Paraan ng Pagwawasto o Ebalwasyon ng Salin para kay
Larson (1984)
I. Layunin
Pagkatapos ng aralin, ang mga mag-aaral ay inaasahang magtataglay ng mga
sumusunod na mga kakayahan:
a.) Nailalahad ang mga paraan ng pagwawasto o ebalwasyon ng salin;
b.) nakapagbibigay-halaga sa kahalagahan ng pagsasalin-wika sa ating buhay; at
c.) nakasusulat ng pagsasalin-wika ng mga salita sa wikang Ingles tungo sa
wikang Filipino na hindi nawawala ang diwa ng teksto.
II. Introduksyon
Ang papel na ito ay magsisilbing gabay sa pansariling pagkatuto at pag-unlad ng
kaalaman sa mundo ng pagsasalin. Magagamit ito bilang patnubay sa mga tuntunin sa
paraan ng pagwawasto o ebalwasyon ng salin upang maging makabuluhan, epektibo at
wasto o angkop ang pagtutumbas ng mga salita. Kailangang maging malinaw ang mga
nararapat gawin at sundi bilang paraan ng pagwawasto o ebalwasyon ng salin nang sa
gayon ay mas maihatid nang malinaw ang mensahe sa mga mambabasa. Nilalayon din ng
papel na ito na maipakita ang mga paraan na dapat gawin sa pag-ebalweyt ng salin.
III. Nilalaman
May limang paraan ng pagwawasto o ebalwasyon ng salin para kay Larson (1984)
na kanyang tinalakay nang detalyado:
1. Paghahambing ng salin sa orihinal
Layunin nito upang tingnan kung pareho ang nilalamang impormasyon ng
dalawa. Upang matiyak na ang lahat ng impormasyon ay nailipat sa salin. Sino ang
gumagawa nito? Ang nagsalin mismo o ang isang tao na marunong sa dalawang wikang
sangkot sa gawaing pagsasalin at marunong ng mga simulain ng pagsasalin. Dapat
tandaan na ang layunin ay hindi ipareho ang salin sa Forms ng Simulaing Wika ( source
languag ). Ang forms na tinutukoy ay ang mga paimbabaw na estruktura ( surface
structure ) o ang mga aktwal na salita,parirala,sugnay,pangungusap na sinasalita o sinulat.
