Mga Paraan ng Pagsasalin
I. Layunin
Sa pagtatapos ng aralin, ang mga mag-aaral ay inaasahang matatamo ang mga
tiyak na layunin sa pag-aaral ang mga sumusunod:
a.) natutukoy ang iba-ibang paraan ng pagsasalin at ang mga tiyak na gamit o
kaangkupan ng bawat paraan;
b.) napahahalagahan ang angkop na gamit ng mga paraang ito para sa
mabisang pagsasalin sa isang teksto o pahayag; at
c.) nakagagawa ng isang sariling salin sa mga teksto at pahayag na may
kinalaman sa pag-aaral.
II. Introduksyon
Ang pagsasalin ay hindi madaling gawain. Maraming mga hakbang o mga
proseso sinusunod dito. Napakahaba ng proseso kaya naman ay
kinakailangang alam ng isang tao kung ano ang mga paraan sa pagsasalin.
Ang pag-aaral na ito ay patungkol sa mga paraan ng pananaliksik. Iba-iba man
ang mga paraan ng pagsasalin ay mahalaga pa rin na matutunan nila ang mga
tamang gamit o ang tiyak na gamit ng mga ito sapagkat magagamit ang mga
ito para malaman kung gaano na kahaba ang nalakbay ng pagbabago sa
lipunan, lalong lalo na sa kaunlaran ng wikang Filipino na kung saan ay
mabalik-tanaw ang kahapon o ang mga nakaraang mga salita na nahiram pa sa
mga sinaunang tao sa mundo o mga katutubo at siyembre pati na rin sa mga
wikang ginagamit noon sa panahon ng pananakop ng mga dayuhan sa bansa
na kung saan ay nagbigay daan na rin sa pag-unlad bilang isang tao at
komunidad.
III. Nilalaman
Mga Paraan ng Pagsasalin
Iba’t – iba ang paraan ng pagsasalin at may tiyak na gamit o kaangkupan ang
bawat paraan. Pinangkat ni Newmark sa dalawa ang walong metodo. Ang
unang pangkat ay nagbibigay-diin sa simulaang lengguwahe. Ang ikalawang
pangkat ay nakatuon sa tunguhang lengguwahe. (Tingnan sa dayagram na
hugis V.)
