Kahulugan, Layunin, at Kahalagahan ng Pagsasalin
I. Mga Layunin
Inaasahan na ang mga mag-aaral na kumuha ng kursong edukasyon ay mayroong
kaalaman sa kahulugan, layunin, at kahalagahan ng pagsasalin.
Tiyak na mga layunin sa pag-aaral na ito ay ang mga sumusunod:
a) natutukoy ang kahulugan, layunin, at kahalagahan ng pagsasalin;
b) nabibigyang halaga ang kahulugan, layunin, at kahalagahan ng pagsasalin; at
c) nakabubuo ng isang salin na hindi nababago ang tunay na diwa.
II. Introduksiyon
Ang paksang ito ay pumapatungkol sa kahulugan, layunin, at kahalagahan ng
pagsasalin. Sa araling ito ay malalaman ng bawat mag-aaral o indibidwal kung ano ang
iba’t ibang pagpapakahulugan sa pagsasalin. Nakapaloob din sa pag-aaral na ito ang mga
layunin na nais makamit ng pagsasalin, at kung bakit mahalaga ang pagsasalin sa ating
mga tao higit lalo sa mga mag-aaral, at sa pang-araw-araw nating pamumuhay. Nililinang
ditto ang ating malikhaing pag-iisip at kakayahang makabuo ng isang mabuting salin. Sa
aralin ding ito ay nasusukat ang kahusayan ng mga mag-aaral o hindi kaya’y ng mga
tagasalin sa pagpili ng mga salitang itutumbas sa simulang lengguwahe na hindi
nababago ang orihinal na diwa ng teksto.
III. Nilalaman
Kahulugan ng Pagsasalin
Sa isang artikulo na sinulat naman ni Silapan, na pinamagatang “Mga Pagsasalin
Mula sa Wikang Iloko Tungo sa Wikang Pambansa,” hinango niya ang katuturan ng
pagsasalin mula kay New Mark (1998), na nagsabing “ang pagsasalin ay ang paglipat ng
kahulugan ng teksto sa ibang wika sa paraang ayon sa intensyon ng awtor ng teksto.”
Ang pagsasalin ay paglalahad sa tumatanggap ng wika ng pinakamalapit na
natural nakatumbas ng mensahe ng simulang wika, una’y sa kahulugan at pangalawa’y sa
